İndividual Təkbətək Mikroskopik Endodontiya Kursu

Nə vaxt, necə və yeni nəyi öyrənməyi yalnız Siz özünüz müəyyən edirsiniz. Dr Məhərrəmovanın Mikroskopik Endodontiya kursu yalniz fərdi olaraq Sizin təkbətək öyrənməyiniz üçün və Sizin spesifik sorğularınıza uyğun olaraq işlənmişdir. Təkbətək formatda təlim enerji dolu, rahat və dolğun klinik mühitdə Bakıda, Azərbaycanda dr Məhərrəmovanın iş yerində fərdi qavramanı effektiv yüksəldir. Böyük müəllimlik təcrübəsinə malik Dr Məhərrəmova işinizdə uğurlar qazanmaq üçün Sizə düzgün istiqamət göstərəcək.

Dr Məhərrəmova ilə çiyin-çiyinə işləmək Sizə müalicənin hər bir mərhələsini müzakirə etməyə imkan verəcəkdir.

Kurs kimlər üçün nəzərdə tutulmuşdur

  • Həkim-stomatoloqlar

  • Endodontistlər

  • Tələbələr

Aşağıda Siz iki kurs və kurslara qeydiyyat haqqında informasiya ala bilərsiniz

Kurs iştirakçılarının rəyləri

  1. "Bu günədək stomatoloji təcrübəm ərzində bir çox seminar və praktiki kurslarda iştirak etmişəm. Endodontiyada olan biliklərimi artırmaq üçün Dr Gülnar Məhərrəmovaya müraciət etdim. Qeyd etmək istərdim ki, kurs yüksək səviyyədə təşkil olunmuşdur. Məlumatlar çox aydın və səlis şəkildə çatdırılır ki, bu da öz növbəsində həcminin böyüklüyünə baxmayaraq insanı qəti yormur. Həmçinin yüksək peşəkarlıq və ağılasığmaz atmosferə görə öz təşəkkürümü bildirmək istəyirəm. Sizinlə ünsiyyətdən çox məmnun qaldim! Çox sağ olun!" - Doktor Firuzə Əzimova

  2. “Mikroskopdan istifadə ilə Endodontiya kursunu bir növ kabus kimi təsəvvür edirdim. Mənə elə gəlirdi ki, endodontik müalicələrdə hər gün mikroskopdan istifadə əzabdan başqa bir şey deyil. Amma necə yanılmışdım!.. Gülnar doktorun (böyük hərflərlə DOKTOR) sayəsində mən çox qısa bir müddət ərzində bu fəndgir aləti istifadə etməyi öyrəndim. Bu azmış kimi, doktor gündəlik təcrübəmizdə rastlaşa biləcəyimiz kanalların mürəkkəb anatomiyası ilə də məni yaxından tanış etdi. Hər şey dişlərin nümunəsində əyani olaraq göstərildi və təfərrüatı ilə izah edildi. Mən kanalların genişləndirilməsinin bir neçə metodikası və həmçinin onların plomblanması ilə tanış oldum (bəziləri ilə tanış olsam da heç vaxt görməmişdim). Hesab edirəm ki, keçdiyim kurs çox məhsuldar oldu və qarşımda endodontiyanın yeni üfüqlərini açdı. Dişlər dünyasının daxili zənginliklərinə çox ətraflı və dərrakəli ekskurs üçün Doktor Gülnara təşəkkürlərimi bildirirəm!” - Doktor Aydın Mehtiyev

  3. "Gülnar xanım, bu iki gün ərzində sizin keçdiyiniz kurs həqiqətən də çox faydalı oldu. Mürəkkəb kanalların instrumentasiyası, isti kompaksiya texnikaları, pillələrin keçilməsi və mikroskopla görülən iş kursun ən maraqlı yerlərindən idi. Sizin kurs indiyədək iştirak etdiyim kursların içərisində ən yaxşısıdır və bütün praktik həkimlərə iştirak etməyi məsləhət edirəm. Sizin pozitivliyiniz və peşəkarlığınız mənə çox xoş təsir bağışladı. Gözəl şərait və səmimi qəbula görə minnətdaram!" - Doktor Fərid Mahmudzadə

  4. "Qısa müddət ərzində biliklərini ,təcrübəsini səmimi qəlblə öyrətməyə çalışan, insan kimi gözəl insan və öz sənətinin gözəl mutəxəsisi kimi Gulnar doktora dərin təşəkkürümü bildirirəm. Çox sağ olun gözəl münasibətə görə!" - Doktor Gülmira Balayeva

  5. “Hər vaxtınız xeyir, doktor! Sizə dərin minnətdarlığımı bildirirəm. Siz təsəvvür edə bilməzsiniz ki, mən sizin kursunuzda iştirak etməkdən nə qədər xoşbəxtəm! Siz mənə nə qədər zəngin və faydalı biliklər verdiniz. Praktik hissə ümumiyyətlə tam fərqli bir təcrübə oldu. Kursu keçməyimdən iki ay sonra deyə bilərəm ki, kanallarda işləmək əvəllər olduğu kimi bir işgəncə deyil, həzzdir! Təşəkkür edirəm!” - Doktor Aynurə Həşimzadə

  6. "Gülnar doktor, bu cür yeni məlumatlarla zəngin kursda olduğum üçün özümü şanslı sayıram. Kanallara kiçik boşluqdan daxil olmaq, sınmış alətləri kanaldan çıxarmaqla bağlı məlumatlar mənim üçün çox yararlı oldu. Biliklərinizi paylaşdığınız üçün təşəkkür edirəm! Çox maraqlı və eyni zamanda əyləncəli idi!” - Doktor Pərvin Məlikova

  7. "Sizinlə bir günlük Endodontiya kursumuz çox maraqlı oldu. Kursun belə təşkilinə görə Sizə dərin təşəkkürümü bildirirəm! Sizin tərəfinizdən verilən izahlar o qədər gözəl və aydın idi ki, günümüzün haçan başa çatdığını belə hiss etmədik! Növbəti işimə məhz Sizin öyrətdiyiniz, praktiki gostərdiyiniz yeniliklərlə başladım. Allah sizdən razi olsun!" - Doktor Fidan Xudiyeva

Kursdan məqamlar

Carousel imageCarousel imageCarousel imageCarousel imageCarousel imageCarousel imageCarousel imageCarousel imageCarousel imageCarousel imageCarousel imageCarousel image

Kursun proqramı

Mikroskopik Endodontiya üzrə Təkbətək Təməl kurs - 2 gün

Təkbətək Mikroskopik Endodontiya üzrə Təkmilləşdirilmiş kurs - 2 gün

Master-klass (mikroskop) - 1 gün

Mühazirə və canlı nümayiş - 1 gün, 2 iştirakcı

Kursda iştirak üçün nə etməli?